PROPOSE કરો !

“બુરા ન માનો તો મેં તુમસે એક બાત કહું,

 તુમ્હારા સાથ હૈ જરૂરી જીંદગી કે લીયે.”

        

           આ બ્લોગનો મુળભુત હેતુ છે હૈયામાં પેદા થયેલા પ્રેમના વમળોને આંગળીના ટેરવે લાવી કલમ થકી કાગળ પર માત્ર ઉતારવાનો ! આ બ્લોગનું કામ હૈયાને હામ નહીં મુકામ આપવાનું છે ! એવું પણ બને કે પ્રેમનો એકરાર કરવાનો  હોય અને હૈયામાંથી કાગળ પર ઉતરેલો પ્રેમનો પેગામ હામના હિસાબે ખિસ્સામાં જ ગુંગળાઇ મરે ! ઇમેઇલ થઇને સીધા કોઇના ઇનબોક્ષમાં વહી જવાનું સરળ ખરું પણ જોખમ વધારે ! અને ફોન પર તો જીભ જ ના ઉપડે ! તો પછી એનો સરળ અને સસ્તો રસ્તો શું ??

      

             મને એક અફલાતુન વિચાર આવે છે. કોઇ વ્યક્તિ પોતાના પ્રેમને સ્વીકારવાની પ્રપોઝલના અણસાર લેખે પોતાના પ્રિય પાત્રને આ બ્લોગની લીંક ( https://prempatro.wordpress.com )મોકલે તો કેવું ?? થોડોક રિસ્પોન્સ મળે તો    “મને આ ‘પોસ્ટ’ ગમી, તને શું ગમે છે ?” થી ‘મને તું ગમે છે”  સુધી પહોંચી શકાય ખરું !! તમારું શું કહેવું છે ?? વેલેન્ટાઇન ડે પણ આવી રહ્યો છે. પ્રિય પાત્રને બ્લોગની લીંક મોકલવા ઉપરાંત આ બ્લોગ એમના ઇમેઇલના નામે સબસ્ક્રાઇબ પણ કરી શકાય! વાત કેમ લાગે છે ? જરાક પ્રતિભાવ આપજોને.

સુરેશ લાલણ

તા. ૬.૨.૨૦૧૦