તારા પ્રેમ-પત્રો

વર્ષો પહેલાં અત્તરથી સુવાસીત તારા પ્રેમ-પત્રો વાંચી
મેં મજાક્માં કહેલું
કે
“પ્રિયે, તારા પત્રમાંથી અત્તરની સાથે સાથે અક્ષરો પણ ઉડી જાય છે પછી મને સમજવામાં તકલીફ પડે છે.”

આજે ઘણા વર્ષો પછી એ જ પ્રેમ-પત્રો પાછા લઇને બેઠો છું…
પત્રમાં અક્ષરો તો ત્યાંના ત્યાં જ છે પણ પ્રેમ ઉડી ગયો હોય એવું લાગ્યા કરે છે.
અને

આવું કેમ થયું એ સમજવામાં મને આજે ય તકલીફ પડે છે !

-Suresh Lalan

.

.