મારો જ પડછાયો મારાથી દુર છે
મારો જ પડછાયો મારાથી દુર છે,
મારે સખી તારી તાતી જરૂર છે!
અંતર માપું તો તું જોજનો દુર છે,
આમ મારા અંતરમાં હાજરા હાજુર છે!
તું આત્માનો સુર છે, આંખોનું નૂર છે,
જીવવા માટે પણ તારી જરૂર છે!
વિરહ ઘેઘુર છે, તડપન પ્રચુર છે,
ધડકન તો જો તું કેટલી મજબુર છે!
આશની જરૂર છે, શ્વાસની જરૂર છે,
થોડોક થોડોક આપ, તારા સાથની જરૂર છે!
મારા વિષે..
હું સુરેશ એસ. લાલણ, મારી જન્મભુમી ઊ. ગુજરાતના બનાસકાંઠા જીલ્લાનું ભરડવા ગામ. સુરત શહેરને મેં કર્મભુમી બનાવી છે. સાયન્સનો વિદ્યાર્થી રહ્યો હોવા છતાંય સાહિત્ય રસિક રહ્યો છું. અખબારોમાં નિયમિત કોલમ લખવા ઉપરાંત થોડોક કવિતાઓ પર પણ હાથ અજમાવી જોયો છે!હાથમાં પીંછી આવે અને સામે કલર પડેલા હોય તો આજેય મારી કલ્પનાઓને કેનવાસ પર ઉતારી લેવાની ઝંખના જાગે છે.જોકે હું લેખક,કવિ કે ચિત્રકાર હોવાનો દાવો કરી શકું એવી લાયકાત મેં હજુ કેળવી નથી. હીરાનો વેપારી (મેન્યુફેકચરર) છું.સમયનો અભાવ સતત સાલે છે છતાંય મારી ગમતીલી પ્રવૃતીઓ માટે થોડીક ક્ષણો ચુપકીથી ચોરી લઉં છું! આ બ્લોગ પર આપણે નિયમિત પણે સતત મળતા રહેશું.
આવજો.. મળતા રહેજો!
સુરેશ લાલણ – સુરત ૩૯૫૦૦૯
-
આપના તાજા અભિપ્રાયો
On Facebook
કેટલા વાચક બ્લૉગ પર છે?
દેશ-પરદેશના મુલાકાતીઓ
હમણાં બ્લોગ પર કોણ કયાંથી આવ્યું ?
